የሕዳሴ ግድብ የመጀመሪያ ሙሌት መጠናቀቁና መንግስት በአዲስ መልክ የሚያደርገዉ ቅስቀሳ በበርካታ ኢትዮጲያዊያን ዘንድ መነቃቃትን የፈጠረ ይመስላል። ለግድቡ ቀሪ ስራዎች የገንዘብ ድጋፍ ለማሰባሰብ ያስችላል የተባለ የቦንድ ግዢም በየአካባቢው እየተካሄደ ነዉ ። ትናን የቦንድ ግዢዎችን ሲያከናውኑ ከዋሉት የሀዋሳ ከተማ ነዋሪዎች መካከል አንዳንዶቹ የግድቡ ሙሌት መጠናቀቅ ተጨማሪ ቦንድ ለመግዛት እንዳነሳሳቸው ለዶቼ ቨለ ( DW ) ገልጸዋል። ዘጋቢ ፤ ሸዋንግዛዉ ወጋየሁ ከሀዋሳ | DW Amharic

ሓድነት 2ኛ ደረጃ ትምሕርት ቤት የሠፈሩ ተፈናቃዮች ትግራይ ዉስጥ በተለያዩ አካባቢዎች የተደረጉ ግጭቶችን ሸሽተዉ ርዕሠ-ከማ መቀሌ ዉስጥ የተጠለሉ ተፈናቃዮች እርዳታ ባለማግኘታቸዉ እስከፊ ችግር ላይ እንደሚገኙ ይናገራሉ።የትግራይ ጊዚያዊ አስተዳደር እንዳስታወቀዉ በክልሉ ከ1 ሚልዮን በላይ ተፈናቃዮች በየትምህርት ቤቶች፣ ጊዚያዊ መጠልያ ጣቢዎች ሌሎች ቦታዎች መስፈራቸዉን አስታዉቀዋል።መቀሌ ዉስጥ ከተለያዩ አካባቢዎች የመጡ ተፈናቃዮች የሚገኙበት 19 መጠልያ ማእከላት አሉ። ሓድነት ሁለተኛ ደረጃ ትምህርት ቤት ብቻ 7500 ተፈናቃዮች ሰፍረዋል።ተፈናቃዮቹ እንደሚሉት በቂ ምግብ፣ ውሃና የጤና አገልግሎት አያገኙም። ቪዲዮ፣ በሚሊዮን ኃይለስላሴ | DW Amharic